Cynhaliwyd bore o chwaraeon i aelodau Clwb Hwyl a Sbri gyda Dewi Roberts! Cafwyd dipyn o hwyl yn cystadlu am y trysor, yn rhedeg rasus, yn arddangos sgiliau pêl, sgiliau taflu pêl a hefyd gemau pêl-droed i ddiweddu cyn cael picnic i ginio. Mae'r Gemau Olympaidd ymlaen yn Beijing Tsieina ar hyn o bryd ac mae pawb o'r Clwb Hwyl a Sbri yn gwylio'r gemau. Rhoddwyd pawb mewn tri tîm gyda thema gwledydd i'r timau hynny: Sweden oedd yn fuddugol yn Nhrefor, gyda Cymru'n ail ar y cyd gyda Jamaica! Fel pob Gemau Olympaidd swyddogol cafwyd Seremoni Agoriadol o adnabod baneri gwledyd, dysgu am barchu a chware'n deg ac arddangosfa dawnsio gan yr Angylion, sef aelodau o Glwb Chware Teg Trefor.
No comments:
Post a Comment