HWYL A SBRI YR YSGOL SUL

24ain Mawrth 2013 - cyfle cyn y Pasg i fwynhau stori Iesu Grist o'r geni hyd heddiw pan mae yn Clwb Hwyl a Sbri gyda ni!  Roedd digon o amser i chwarae gemau a gwneud lluniau cyn ein bod yn gwneud cacennau siocled i fynd adre. Pasg Hapus i bawb.

CHWARE TEG!

21ain Mawrth 2013 - parhau i weithio ar Y Digwyddiad heno a hefyd trafod y posibilrwydd o fedru gwneud oriau Gwirfoddolwyr y Mileniwm yn sgil y prosiect.  Ardderchog ar gyfer cv.

DECHRAU DA!

20fed Mawrth 2013 - diwrnod prysur iawn i Dechrau Da! heddiw gan i Betsan Brysur ddod draw i'n cyfarfod ni!  Aeth pawb i neuadd Ysgol yr Eifl i gael storiau, arwyddo a chanu.  Yna yn y prynhawn fe ddaeth pawb yn ol i'r Festri i chwarae fel arfer.

HWYL A SBRI YR YSGOL SUL

17eg Mawrth 2013 - dyma Joseff yn ei got liwgar a chynlluniau unigol am got liwgar y plant.  Mae holl gynllunwyr ffasiwn y dyfodol yn dod o Drefor!

HWYL A SBRI YR YSGOL SUL

17eg Mawrth 2013 - heddiw cawsom ail hanner stori Joseff. Ei hanes yn y carchar yn yr Aifft a'i hanes yn cynorthwyo'r brenin gyda dehongli breuddwydion.  Cafodd ddyrchafiad gan y brenin i edrych ar ol y storfeydd bwyd.  Ac yn ystod y newyn bu'n bwydo ei frodyr a'i deulu.  Maddeuodd i'w frodyr am ei adael a hynny yw addewid Duw yn ein stori - byddaf bob amser yn barod i faddau i ti.  Mared gyrhaeddodd gyntaf yn ein gem yn adrodd stori Joseff.  Dyma luniau o got liwgar Joseff a hefyd gynlluniau personol pawb o got liwgar - cynllunwyr ffasiwn o fri yn y pentref!

CLWB CHWARE TEG!

16eg Mawrth 2013 - cyfle i fynd i lawr i'r Nant heddiw i dynnu lluniau ar gyfer ein cyflwyniad dauganmlwyddiant Maesyneuadd.  Mae ty cyfnod yn y Nant ac roedd hwn yn berffaith ar gyfer tynnu lluniau o deulu Sidney Roberts.  Mwynhau siocled poeth yn y caffi cyn dod adre, i dynnu lluniau yng nghoed Lyrnion.

CLWB CHWARE TEG!

14eg Mawrth 2013 - mae'r criw yn dal i weithio ar Y Digwyddiad a dyma ragflas o gymeriadau cartwn - heb roi dim mwy i ffwrdd!!!